لكل العشاق
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

  قـصـائـد فـلـسـطـيـنـيـة قـصـيـرة ( خـــالــــد دراوشــــه )

اذهب الى الأسفل 
كاتب الموضوعرسالة
ملاك على هيئة بشر
المدير العام
المدير العام
avatar

عدد المساهمات : 400

السٌّمعَة : 0
العمر : 22

المزاج المزاج : رومنسية ومبسوطة

مُساهمةموضوع: قـصـائـد فـلـسـطـيـنـيـة قـصـيـرة ( خـــالــــد دراوشــــه )    الأربعاء يوليو 28, 2010 10:52 pm

قـصـائـد فـلـسـطـيـنـيـة قـصـيـرة ( خـــالــــد دراوشــــه )

--------------------------------------------------------------------------------

بـسـم الله الـرحـمـن الرحـيـم






نبدأ على بركة الله





حُلُم

يا ريتني بْهـَ الشِّعْرْ
طفل عمري سْنينْ
وْبَلِّش أَلَوِّن زَهِر
بِقلام هـَ التِّلوين
في بيت جنب النَّهْرْ
من نرجس وْياسمينْ
وأرسم سفينِة وْبَحْر
لعيونك الحلوين ...





لَو تعرفي !!


لو تِعِرْفي وإنتي معي بْحَدِّي
بْتسْهري بْهـَ الليلْ ،
وْشَعْرِكْ مْنَدِّي
عا كتف شي بيدرْ
أو كرِم لوز أخضر
ولمّا النَّسيم يِبْدا عليكي يْهِب
ناعم عَ إجريكي ،
ناعم عَ إيديكي ،
ناعِمْ عَ خدّيكي ،
وِرْموش عَينْيكي ،
والكون خاشع من حواليكي
قدّيش عا هَبّ الهوا بَطْرَب
وبْدونْ ما أشْرَبْ
قدّيش من نَسْمِة هَوَى
بَسْكَر !!





بيغار



زِرّ الوَرِدْ قَلْلي ،
لَـمَِنُّو عا وِجّ الصُّبُح شافِك :
بيغار من فلِّه ،
لمّا بْتُقُطْفيها
لَتروح وإنت تْشِمِّي فيها
تُدْقُمْلا دَقْمِه ، هيك
بِشْفافِكْ !!





حَبِّة مِلِح


أهَون عَلَيِّي النّار والمَيِّي
أجيكي حامِلهن بإيديّي
وأهون عليكي تيجي وِتروحي
تْرُشِّي المِلِح بيدِكْ على جروحي
هاتي المِلِح ، كَمْشِه
من قبل ما امشي
وْرُشِّي المِلِح
عا قلبي وروحي!!
وبوحي !
ولا تْبُوحي !!
وْكِرْمال لِمحبِّه
عَ الأرض لَو وِقْعَت ولو حَبِّه
رَح أحبي عإيديِّي وإجريِّي
وألِمّ حَبِّة هـَ المِلِح ،
بِرموش عينَيِّي !!





لَوْ غَنّيت


غَنِّي !
يَ هالحسُّون
شو ما يْكون !!
تخمين
لو غنّيت ،
في كل بيتْ ،
بِتْجَنِّن العاقلْ
وْبِتْعَقِّل المجنون !!







إلى شاعر


أعطيتني زهره ،
قلت : ما أحْلاك !!
أعطيتني نظرهْ ،
قلت : ما أغلاكْ !!
وأعطيتني فكرهْ ،
قلت : ما بَنْسَاكْ
ما دمت أتلاقى أنا وِيّاكْ
وبُكرا متى الزّهرهْ
ذِبْلّت مع النَّظره
بِتْظَلّ هـَ الفِكْرَه
وَهْالفكرة عَا فِكْره
بْتُخْلُد ،
وبتخَلِّد معي ذكراك ..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nice.ahlamoontada.net
 
قـصـائـد فـلـسـطـيـنـيـة قـصـيـرة ( خـــالــــد دراوشــــه )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدينة الرومنسية  :: الفئة الأولى :: فلسطين ممنوع تعيش ...؟-
انتقل الى: